20 octubre 2023

Nosotr@s

En Nasas, Axencia Creativa Dixital, estamos a buscar unha persoa para que se incorpore presencialmente ao noso equipo de arte como deseñador/a gráfico/a a tempo parcial (25h).

 

O que buscamos é...

Unha persoa con experiencia en deseño gráfico no ámbito dixital que sirva como apoio ao Departamento de Arte mentres nos coñecemos, para ir asumindo, pouco a pouco, máis responsabilidades e contas propias.

Para pechar o trato, precisamos que…

• Teñas formación en Deseño Gráfico, Publicidade ou Belas Artes.
• Domines o paquete Adobe (Illustrator, Photoshop, Indesign, Premiere...). Tamén valoraremos coñecementos de After Effects e Motion Graphics.
• Teñas bo gusto estético.
• Sexas unha persoa resolutiva.
• Teñas un bo portfolio.
• Residas na Coruña.
• Compartas o noso compromiso coa sostibilidade, a inclusión e o desexo de xerar un impacto positivo no mundo. Recentemente entramos na rede de empresas B Corp que reúne as mellores empresas por e para o mundo.

 

O que farás en Nasas

• Deseño e desenvolvemento de creatividade gráfica para campañas en redes sociais.
• Creación de pezas para plataformas on/offline.
• Creatividades para campañas de ads.
• Deseño de presentacións en Power Point ou outros soportes.
• Retoque fotográfico.
• Edición de vídeo, principalmente para redes sociais.

Que che ofrecemos

• Horario de 9:30 a 14:30h (para comezar). Incorporación inmediata.
• Unirte a un equipo xove e multidisciplinar con bo ambiente de traballo.
• Todos os cafés que poidas tomar.
• Toda a froita que poidas comer.
• O día do teu aniversario non tes que traballar.
• Aulas de inglés co resto do equipo.
• Bo ambiente, equipo comprometido e marcas relevantes.

 

Presenta a túa solicitude

 

Para ter en conta a túa solicitude, envíanos, por favor, o teu CV actualizado (máximo 1 folla), así como un parágrafo de 4 liñas contándonos quen es e exemplos de portfolio (nun documento ou links) realizados nos últimos tres anos a info@nasassocialmedia.com co asunto "Vacante deseño 2023".

Como viches, esta vacante é a media xornada. Se buscas unha xornada completa agora mesmo, por favor, non nos envíes a túa solicitude nesta convocatoria.

Garantimos discreción no proceso de selección. As persoas seleccionadas serán convocadas para unha entrevista.

Límite de presentación de candidaturas: 5 de novembro.

Comparte

Categorías

Archivo