Que non che conten historias. Fai Historia con Nós!
18 junio 2025
Conspiracións, IA e moitas refes tiktokeiras na nosa última campaña xunto á Facultade de Historia
Sabías que os castros eran pistas de aterraxe para druídas extraterrestres? E que a chegada do home a lúa foi en realidade unha montaxe con bonecos sobre un queixo do Cebreiro?
Soa a historia, que non a Historia, verdade?
Pois así comezan as pezas da nosa última campaña para a Facultade de Historia da Universidade de Vigo.
Fake news vs Historia
Para o noso último traballo xunto a Facultade de Historia de Ourense tiñamos un obxectivo: impactar a xuventude de forma creativa, amosando o Grao de Xeografía e Historia como unha opción atractiva para cursar.
Como pensamos facelo? Utilizando referencias que están presentes constantemente nos seus feeds, coas que se sinten familiarizados, e que, ao mesmo tempo, gardan moita relación coa historia: as teorías conspiranoicas.
Servímonos deste tipo de teorías para crear o claim da campaña, "Que non che conten historias. Fai Historia con nós", e deseñar a imaxe principal.
A nosa idea era contrapoñer as fake news, ás que tanto está exposta a rapazada nas redes actualmente, fronte a rigorosidade da Historia, cunha mensaxe potente e unha imaxe que chamase a atención desde o primeiro momento.
Ver esta publicación en Instagram
Co obxectivo de impactar o noso target desde a súa fonte de información principal, as redes, acompañamos a campaña con diferentes pezas de vídeo seguindo un estilo moi característico de TikTok.
Utilizando a intelixencia artificial, o humor e a ironía, creamos teorías conspiranoicas ficticias sobre feitos históricos, que terminan rachando ca mensaxe principal da campaña, animando a xuventude a aprender da verdadeira Historia na Facultade de Historia do Campus de Ourense.
Ver esta publicación en Instagram
Podes consultar este e outros traballos no Portfolio da nosa web. E contactarnos se tes un proxecto en mente e queres levalo a cabo de maneira creativa e orixinal.
