7 mayo 2025

Nosotr@s

Desde os inicios de Nasas, dedicamos parte do noso tempo a iniciativa do noso Proxecto Probono. Con el axudamos, de balde, a entidades sen ánimo de lucro que comparten os nosos valores para que desenvolvan unha acción de márketing que lles poida axudar a mellorar a súa comunicación.

Este 2025 abrimos de novo unha convocatoria dirixida a todas aquelas entidades que necesiten axuda coa súa comunicación ou coa súa marca.

 

Servizos que podemos levar a cabo no Proxecto Probono

Podemos axudarvos co que mellor sabemos facer:

• Estratexia de márketing
• Plan de social media
• Formación en márketing online
• Campañas de publicidade
• Imaxe corporativa
• Creatividade dixital
• Etc. 

 

Cales son os requirimentos e criterios desexables a cumprir para presentar a solicitude?

Son criterios necesarios para solicitar o Proxecto Probono:

• Ser unha entidade social ou cultural, non afiliada a ningún partido político ou relixión.
• Ter uns ingresos inferiores aos 750.000 euros anuais.
• Ter a sede en Galicia, aínda que o voso traballo se poida realizar en calquera parte do mundo. 

No proceso de selección tamén consideraremos especialmente a aquelas entidades que estean comprometidas cos mesmos Obxectivos de Desenvolvemento Sostible que Nasas:

• ODS 5: Igualdade de xénero. Lograr a igualdade entre os xéneros e empoderar a todas as mullleres e nenas.
• ODS 8: Traballo decente e crecemento económico. Promover o crecemento inclusivo e sustentable e emprego e o traballo decente para todas as persoas.
• ODS 17: Alianzas para lograr os obxectivos. Revitalizar a Alianza Mundial para o Desenvolvemento Sostible.

 

Como realizar a solicitude?

Para ser unha entidade candidata ao Proxecto Probono tedes que cubrir o formulario de solicitude antes do 25 de xuño de 2025.

 

FORMULARIO DE SOLICITUDE

 

En xullo anunciaremos a entidade seleccionada.

Comparte

Categorías

Archivo